TV Ramlinsburg

Halli Hallo, Gugug!

Mir wänd do euse Text mol wieder aktualisiere. S startet jo schliesslich gli e neui Saison. Mir händ erfolgriich s Turnfescht in Frauefäld bsuecht. Isch würkli luschtig gsi (vorallem s ville Glaceässe :-) ). Mir händ vorhär au flissig güebt. Nur leider e chli churz... Aber i bi stolz uf mini Jungs, si händ das würkli guet gmacht. In dr Zwüscheziit händ mir au scho en Jugitag gha. Mir sind mitenand nach längere Umwäge (Stau, Suechi nachem Schwimmbad wo eigentli gar nüm nötig gsi wär, Umfahrige etc. ) sind mir in Lyss acho, wo mir denn sind go Gokart fahre. I glaub, es het alnä Spass gmacht und mir händ würkli en luschtige Taag gha... Jetzt wird denn eusi Jugi bald mit neue Mitglieder chli ufgstockt. Das cha jo nur Vorteil bringe :-) Ich freu mi uf jede Fall, und zum die alte Ziite no chli in Erinnerig z bhalte, findet ihr au no e paar Föteli us em letschte halbe Johr...

Falls öber Luscht het, mol ine z luege, denn isch er oder sie sälbstverständlich willkomme...

wrrrrrrrrrruuuuuuuummmmmmmmmm.... und wäg...

uups, vilicht sötti jo no adie mitenand säge.
 

designed by CJ